Ribeira

 

Debuxando RIBEIRA

COÑECENDO A TÚA CIDADE

Comezamos as actividades pedíndolles que nos mostren cal é a súa visión da cidade/vila para saber de que punto partimos. E poder entender cal é a súa relación con espazo que habitan.

Entender a súa visión da cidade: Coñecen a cidade?, Comprenden o espazo que habitan?… Saben situar a súa casa, o seu  colexio o seu espazo de xogo?… Ou polo contrario a cidade é un gran laberinto incomprensible para eles?

A resposta gráfica á pregunta: Como é a vosa cidade? Maioritariamente foi o debuxo da súa casa, para eles Ribeira é a súa casa.

Os seus debuxos confírmanos a teoría que tiñamos preestablecida, o seu día a día baséase no paso dunha caixa a outra, a primeira é a vivenda; a seguinte, de menor tamaño, o coche ou o autobús, e finalmente aparece o centro comercial, o colexio, o polideportivo, …

O que fainos reflexionar… E o mar?… Perdeu Ribeira a súa relación co mar?… 

Colorea a túa Cidade

A cidade/vila na que estamos traballando convertida nun campo de xogos, laboratorio de experimentación no que os nenos e os adolescentes poidan actuar dende un novo punto de vista.