Ribeira

 

como é a túa cidade? que elementos destacarías?

ENMARCANDO RIBEIRA

Ao enmarcar un elemento, automaticamente dáselle unha gran importancia. Agora necesitamos saber que espazos poden ser elevados a esta categoría en Ribeira, cales son aqueles lugares que aprecian, que consideran o suficientemente importantes como para enmarcalos.

Unha vez máis confírmase a nosa premisa, o espazo da cidade non é vivido, a rúa non é da xente, o espazo habitable privatizouse polos grandes equipamentos. O coche é o dono das nosas vilas e cidades.

“É neste contexto social e espacial no que desenvolves as súas propostas “A Vila Do Mañá”, un proxecto recente pero moi intenso que se alimenta tanto das primixenias experiencias e propostas de Froebel e as súas fondas pegadas no mundo da educación e da arquitectura, como das máis recentes achegas do cada vez máis importante colectivo adicado á Educación en Arquitectura, entrando a formar parte deste valiosísimo grupo de profesionais da arquitectura comprometidos coa educación que temos a fortuna de ter activos en España e en Galicia”.         

  Xosé M Rosales Noves (Coordinador proxecto TERRA)

Colorea a túa Cidade

A cidade/vila na que estamos traballando convertida nun campo de xogos, laboratorio de experimentación no que os nenos e os adolescentes poidan actuar dende un novo punto de vista.